James Jerome k’ı̀ighe’: vàh gwank’òo oonjii zhı̀t jidı̀i gwinah’in’

James Jerome vagwank’ǫ̀ǫ tthak zheh gòok’in’ dą̀į’ gwalàt zrit srehtat gwijùudlii t’agòonch’uu nijìn vakwaa danh. Vitr’ìinjòo Elisabeth Jansen Hadlari ts’àt vidinjì’ Thomas Hadlari kat chan guk’ìighe’ vagwank’òo lęįį 9,000 ànts’àt gidilii NWT Archives goots’an ałtsąįį. Srìnàgogwilii geenjit gwitr’it łǫǫ hàh gòodhaii nàgwìdaadhat jidìi łat gòo nìidhaa k’ìighe’ gwìizuu nagwijàazhii gwehkhè’ tth’ąįh gwalàt srìnatr’igwijìinlik

Nyahgwan gwànoo zrit dinjii kat juudìn jii gwank’ǫ̀ǫ tthak srìnagogwìinlik eenjit gwitr’it gogwàłtsąįį, aii tł’ęę 2008 ts’àt 2009 dą̀į’ 3500 gwank’ǫ̀ǫ gidilii zrit nits’òots’àt gwizhìt t’àgidi’ii geenjit gatr’agwaandak. Aii geenjit zrit, nakhwakaiik’ìt gwizhìt Gwich’in Social and Cultural Institute kat gwàt Tsiigehtshik ts’àt Teetł’it Zheh gwizhìt chan łinagìljil goots’àt tr’igiinjii eenjit. Anjòo kat ts’àt tr’igiinjik gwank’ǫ̀ǫ tthak gwizhìt juudyèn t’àngiinch’uu geenjit gàgoodahkat. Guk’ìighe’ zrit gwalàt nakhwats’an àatsii geenjit shòh ìidàlį̀h.

James Jerome k’ı̀ighe’